IGO na lamang sa paghangad-hangad sa kisame, inubanan ang pagginhawa og lawom ang 34-anyos nga suspek sa lugos, human siya masikop sa kapulisan ug gipaslak sa prisuhan, Abril 10.
Ang suspek mao si alyas Johny, 34, taga Purok Daricom Barangay Lagao, General Santos City.
Si alyas Johny ang gitudlong suspek nga milugos sa 16-anyos nga si alyas Kaye niadtong Enero 27.
Suma pa nga gidala sa suspek ang biktima sa usa ka lodging house, gipakaon niya og shabu, dayon gipusgay ang pagkababaye.
Sigun sa kapulisan nga taudtaud sab nga nagtagotago sa kabukiran sa Malungon Sarangani Province ang suspek una kini masikop ug nasiplatan sa Roxas Avenue Barangay Dadiangas East.
Sa kasamtangan gibalhog ang suspek sa prisuhan sa Pendatun Police Station samtang gihulat ang sunod mando sa korte. (Edgardo E. Fuerzas)