'Naay sakit sa pangisip' gitipi sa amahan

San Isidro map.
San Isidro map.Google Maps

NASIKOP na sa mga pulis ang amahan nga maoy mipatay sa kaugalingong anak sa Purok Malinawon, Barangay Dacudao, San Isidro alas 4:00 sa buntag, Dominggo, Nobyembre 12, 2023.

Ang amahan giila nga si Guidie Borgonio Almasin Mercado, 41, gitudlong suspek sa pagpatay sa anak nga si Hever Gaid Mercado, 18, ulitawo, molupyo sa nahisgutang dapit.

Nasayran nga ang biktima giingong dunay sakit sa pangisip, gibunalan og kahoy sa amahan isip panalipod sa suspek sa kaugalingon human sumala pa giatake siya sa biktima gamit ang mahait nga sundang.

Sumala pa, napugos ang amahan sa pagbunal niini og kahoy sa anak sanglit posible nga siya sab unta ang mapatay kung wa niya kini gibuhat.

Gidali pagdala ang biktima ngadto sa Davao Regional Medical Center sa siyudad sa Tagum pinaagi sa mga miresponding sakop sa San Isidro Municipal Emergency and Rescue Services sa pamasin nga masalbar pa ang kinabuhi. Apan gideklarang gihapon kining dead on arrival sa doktor nga mihiling kaniya.

Patay’ng lawas sa biktima gilamayan na sa iyang mga kabanay ug pamilya samtang ang amahan posibleng mag-atubang og kaso sa hukmanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph