Nag-ampo sud sa mosque gitipi

Nag-ampo sud sa mosque gitipi
Datu Odin Sinsuat Municipal Police Station

PADAYON pang gisubay sa mga awtoridad ang pagpusil patay sa negusyante nga nag-ampo sulod mosque alas 5:30 sa hapon, Sabado, Hunyo 22, 2024, sa probinsiya sa Maguindanao del Norte.

Giila ang biktima nga si Mohammad Bato Ampatuan alyas Mads, 43- anyos, minyo, namaligya og isda, ug nagpuyo sa Sitio Siawan, Barangay Tamontaka, Datu Odin Sinsuat, Maguindanao del Norte.

Sumala kang Maguindanao del Norte Police Provincial Office Director Colonel Salman Sapal nga nagsambayan ug nag-ampo sulod sa mosque ang biktima sa dihang kalit gipusil sa wala mailhing tawo gamit ang kalibre .45 nga pistola.

Patay gilayon ang biktima samtang ang suspek daling nisibat, sakya og motorsiklo nga gimaneho sa naghulat kaniya nga kauban sa daplin sa kalsada.

Gikondena sa mga Muslim Religious Group ang pagpatay sa biktima sulod sa mosque.

Gisubay pa sa mga pulis sa Datu Odin Sinsuat Municipal Police Station krimen aron mahatagan og hustisya ang pagpatay sa biktima. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph