Nagbitbit granada ug pusil kasohan

Nagbitbit granada ug pusil kasohan
Hulagway gikan sa CIDG-BAR

COTABATO CITY -- Kasong kalapasan sa Republic Act 10591 o Comprehensive Firearms and Ammunition Regulation Act o Illegal/Unlawful Possession of Explosives ang ipasaka ngadto sa korte batok sa lalaking nadakpan alas 2:00 sa hapon, Lunes, Enero 29, 2024, sa Datu Saudi Ampatuan, probinsiya sa Maguindanao del Sur.

Ang suspek nga si alyas Guiadzali, nagpuyo sa Barangay Kabengi, Datu Saudi Ampatuan, sa maong probinsiya, kinsa nadakpan nga naghupot og pusil ug eksplosibo.

Gibutyag ni Criminal Investigation and Detection Group-Bangsamoro Autonomous Region (CIDG-BAR) Director Lieutenant Colonel Ariel Huesca nga gipanid-an sa iyang ginsakpan ang ilang target nga naa sa gasoline station sa maong lugar.

Ilang nasiplatan si alyas Guiadzali nga dunay gitakin nga pusil sa hawak nga sakay sa motorsiklo samtang nagpatubil og gasolina.

Gisita si Guiadzali sa mga sakop sa CIDG-BAR ug gipangitaan sa papeles sa dala niining armas.

Apan pakyas kining makapakita busa gidakop ug samtang giabrihan ang iyang sling bag, dunay nakuha nga duha ka granada, duha ka magasin sa kalibre .45, mga bala ug mga personal nga kagamitan.

Gibalhog ang suspek sa CIDG-Maguindanao Office samtang gihulat ang tukmang kaso nga ipasaka batok kaniya sa korte. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph