Nagtipi sa 2 drayber gituohan 1 grupo lang

NAGTUO ang kapulisan sa Tantangan Municipal Police Station nga usa lang ka grupo sa mga karnaper ang nibugha sa duha ka drayber sa motorsiklo sa managlahi nga lugar sa Tantangan, alas 11 sa buntag niadtong Dominggo, Agosto 25, 2024, sa South Cotabato.

Unang gibugha mao si Levimar Moderacion samtang luwas ang angkas niini nga iyang asawa nga molupyo sa Barangay Paraiso, Koronadal City.

Nasayran nga ang magtiayon sakay sa Raider FI nga motorsiklo sa diha nga gipamusil sa wala mailhing armadong mga lalaki sa Barangay Tinongcop, Tantangan sa nahisgutang probinsiya.

Patay si Moderacion nga naigo sa ulo ug gikawat pa ang motorsiklo niini.

Naangin sab sa ang usa ka habal-habal drayber ug wala na lang kini mipalag sa dihang giilog ang iyang motorsiklo.

Samtang patay sab ang usa ka alyas Alvin sa Barangay Maibo sa nahisgutang gihapong lungsod human giilogan og motorsiklo sa mga karnaper.

Misulay pa unta og sukol ang biktima nga maoy hinungdan nga gipusil siya sa mga kawatan.

Padayon pa ang gihimong pagsubay sa kapulisan sa Tantangan sa insidente aron nga matumbok ang grupo sa mga motornaper o kawatan og motorsiklo. (EEF)