Nakalas sa bomba sa MSU giila na

Nakalas sa bomba sa MSU giila na

PORMAL nang giila sa Mindanao State University-Marawi (MSU-Marawi) ang upat ka biktima nga napatay sa pagpamomba.

Kini sila si Evangeline Aromin, Riza Daniel, mga magtutudlo ug mga estudyante nga sila si Junrey Barbante ug Janine Arenas sa Mindanao State University (MSU).

Nakaangkon og grabeng samad ang mga biktima dihang nibuto ang improvised explosive device (IED) nga ginama sa 60mm projectile ug bala sa Rocket-propelled grenade (RPG).

Padayong gihap-an sa militar ug kapulisan ang mga suspek nga sila Arsani Membisa alyas Khatab, Hatab ug Lapitos kinsa mga bomb expert ug Wahab Macabayao nga sakop sa Daulah Islamiyah Maute Terror Group nga adunay direktang kalambigitan sa Islamic State of Iraq and Syria (ISIS).

Giklaro ni Lanao del Sur Governor Mamintal "Bombit" Alonto Adiong Jr nga upat lang ang patay ug 47 ang naangol sa pagpamomba sa MSU-Marawi.

Hangtud sa pagsuwat ning balita, walay klase ang MSU nunot sa nagpadayon nga imbestigasyon sa Special Investigation Task Group Marawi.

Gipaabot usab ni MSU System President Atty. Basari D. Mapuno ang iyang pahisubo sa mga biktima sa pagpamomba ug gipasalig nga sila matabangan sa tulunghaan uban ang kagamhanan sa Bangsamoro Autonomous Region in Muslim Mindanao (BARMM).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph