Nakonsensiya sa pagpatay, nitahan

Nakonsensiya sa pagpatay, nitahan
(Hulagway gikan sa General Santos City Police Office)

NAKONSENSYA ang suspek nga nagpatay sa negusyante hinungdan nga nisurender sa kapulisan alas 2:00 sa hapon,a Lunes, Disyembre 4, 2023 sa General Santos City.

Giila ang suspek nga si Jason Imbo Ingkong alyas Nana Imbo nga taga General Santos City.

Gitudlo si Ingkong nga maoy nipatay sa negusyante nga si Vargelio De Leo Abot nga nagpuyo sa Block 4, Phase 2, Letanville, Barangay Sinawal, General Santos City.

Sa taho gikan sa General Santos City Police Office nasayran nga niadto ang igsuon ni Ingkong sa Makar Police Station sa plano nga pagsurender niini ug nakigsabot sa mga pulis.

Ang suspek nitago sa Kiamba, Sarangani Province hinungdan nga gikuha mismo siya sa kapulisan ug gibalhog sa Makar Police Station.

Kahinumdoman nga nakaplagan ang patay nga lawas sa negusyante atubangan sa balay niini nga dunay samad dinunggaban sa liog.

Ang suspek giingon nga trahabante sa biktima nga iyang nakalalis nga maoy hinungdan sa pagpangdunggab.

Gikanayon ni Ingkong nga siya nakonsensiya sa pagpatay sa negusiyante hinungdan nga siya nisurender.

Gisang-at na sa korte sa Gensan ang kaso nga pagpatay batok kang Ingkong.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph