Nangitlog nga banakon namaak

Nangitlog nga banakon namaak
(Datu Montawal MPS)

COTABATO CITY -- Bugto ang kinabuhi sa mag-uuma nga gipahit sa banakon alas 7:30 sa buntag, Lunes, Enero 1, 2024, sa probinsiya sa Maguindanao del Sur.

Giila ang biktima nga si Abelona Saludo, 45, minyo ug nagpuyo sa Barangay Dunguan, Datu Montawal, Maguindanao del Sur.

Sa taho gikan sa kapulisan sa Datu Montawal Municipal Police Station nasayran nga nagtugway ang biktima sa binuhing kabaw nga naatlan nga naagian niini ang nangitlog nga king cobra o banakon.

Nidagan si Saludo apan gigukod siya sa banakon ug gipahit sa paa.

Nakauli pa sa balay ang biktima ug daling gi-aplayan og first aid aron mogawas ang dugo sa paa niini nga gipaak sa king cobra.

Gidala sab dayon ang mag-uuma sa Deseret Hospital sa Kabacan-Cotabato apan gideklara siya sa doktor nga dead on arrival.

Nagpasidaan karon si Datu Montawal Mayor Datu Otho Montawal sa iyang mga nasakupan nga mag-amping gyud batok sa banakon samtang nagpaabot sab dayon kini og hinabang sa pamilya sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph