Negosyante niyarok og 'hilo'

Negosyante niyarok og 'hilo'
(Libungan Municipal Police Station)

KIDAPAWAN CITY -- Patay na nga nakaplagan ang negosyante nga giingong niinom og hilo alas 7:45 sa gabii, Miyerkules, Enero 3, 2024, sa Libongan, probinsiya sa Cotabato.

Giila ang biktima nga si alyas Jojo, minyo, livestock buyer and seller ug nagpuyo sa Libungan.

Gibutyag ni Libungan Chief of Police, Major John Minidel Calinga, nga nadiskubre ang biktima sa iyang pamilya nga nagbula-bula ang baba nga walay nay kinabuhi.

Nakita sab sa mga nagreponde nga mga imbestigador sa Libungan Municipal Police Station ang pestisidyo nga giinom sa biktima.

Nasayran nga sa wala pa ang hitabo, namatikdan sa pamilya nga ang biktima kanunay nga mag-inusara ug nagmasulub-on.

Personal nga problema sa negusyo ug sa pamilya ang gituohan sa mga awtoridad nga motibo sa pagpakamatay sa negosyante.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph