Negusyante nakigpinusilay, tipi

Negusyante nakigpinusilay, tipi
Hulagway gikan sa General Santos City Police Office

HAY-AD ang usa ka negusyante nga misukol sa mga pulis alas 4:00 sa hapon, Huwebes, Hulyo 4, sa General Santos City.

Giila ang napatay nga si alyas Mac, 29-anyos, minyo nga nagpuyo sa Sarif Mucsin, Barangay Baluan, General Santos City.

Gibutyag ni General Santos City Police Office (GSCPO) Director Colonel Nicomedes Olaivar Jr. nga gironda sa mga pulis ang balay ni alyas Mac apan nakabantay kini sa mga awtoridad ug nakigpinusilay.

Nadakpan ang suspek nga samaron ug gidala gilayon ngadto sa balay tambalanan apan gideklara sa mga doktor nga dead on arrival.

Gitumbok ni Colonel Olaivar nga si alyas Mac maoy Top 1 City Most Wanted Person ug dunay warrant of arrest gikan sa korte.

Dugay na nga gipangita ang suspek sa mga pulis apan pabalhin-balhin matud pa kini og gitagoan.

Mas gihugtan pa sa kapulisan GCSPO ang operasyon batok sa mga wanted person sa siyudad. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph