COTABATO CITY -- Selos sa negosyo ang gilantaw nga motibo sa pagpamanhig-patay sa usa ka negusyante alas 9:05 sa gabii, Huwebes, Enero 4 didto sa probinsiya sa Maguindanao del Norte.
Giila ang biktima nga mao si Jackerie Datukan Guiamalon, 37-anyos, minyo, buy and sell trader ug nagpuyo sa Barangay Dalican, Datu Odin Sinsuat, Maguindanao del Norte.
Matud ni Datu Odin Sinsuat Chief of Police Lieutenant Colonel Esmael Madin nga samtang sakay ang biktima sa iyang kotse gikan sa Cotabato City ug pauli na sa iyang balay.
Apan pag-abot niini sa ngiob nga bahin sa Barangay Dalican ang kalit lang kining girakrakan sa wala mailhing mga armadong tawo gamit ang kalibre .45 nga pistola.
Abtik sab nga miikyas ang mga suspetsado paingon sa hilit nga dapit sa Datu Odin Sinsuat.
Gisapupo ang biktima sa mga nagresponde nga mga pulis ug gidala sa Cotabato Regional and Medical Center (CRMC) sa Cotabato City apan gideklara siya sa mga doktor nga dead on arrival.
Naka-angkon og lima ka samad-pinusilan ang biktima sa nagkadaiyang parte sa kalawasan niiini nga maoy hinungdan sa iyang kamatayon.
Sa kasamtangan ang kapulisan sa Datu Odin Sinsuat Maguindanao del Norte ang padayon nga nag-imbestiga sa pagpamanhig patay sa negusyante.