SI Presidential Assistant for Eastern Mindanao Leo Tereso Magno nagtinguha nga magpabiling insurgency-free ang Davao Region.
Isip Cabinet Officer for Regional Development and Security (CORDS) alang sa Davao Region, giila ni Sec. Magno ang kamatuoran nga ang pagmintinar sa rehiyon nga insurgency-free usa ka dakong tahas dili lang sa mga pwersa sa seguridad kondili sa tibuok katawhan.
Sa miaging Enero 8, si Magno nakigtagbo kang Commanding General sa Philippine Army Lt. Gen. Roy Galido aron mapahiluna ang mga lakang sa seguridad ug uban pang mga programa sa Davao Region nga makatampo sa lig-on nga kalinaw ug kahusay ug seguridad sa rehiyon.
Ang strategic planning meeting gituyo aron matabangan ang security forces sa Davao Region nga mapalig-on ang ilang mga lakang sa pagpatunhay sa kalinaw sa lugar.
Niadtong Oktubre 2022, ang Davao Region gideklarar nga insurgency-free, nga nagtapos sa pipila ka dekada nga kabangis sa mga komunista sa mga hilit nga dapit sa rehiyon.