Pagpatay sa principal giimbestigahan

Pagpatay sa principal giimbestigahan
(Mamasapano MPS)

SELOS sa posisyon ang gituohang motibo sa mga awtoridad sa pagpusil-patay sa school principal sa Department of Education (DepEd) ala 1 p.m., Lunes, Enero 22, 2024, sa probinsiya sa Maguindanao del Sur.

Giila ang biktima nga si Mamadatu Dalandas, principal sa Datu Tecson Elementary School sa Sultan sa Barongis, Maguindanao del Sur.

Matud ni Mamasapano Chief of Police Lieutenant Lou Christian Villones nga sakay sa iyang motorsiklo ang biktima gikan sa lungsod sa Rajah Buayan paingon sa Mamasapano Elementary School.

Apan pag-abot niini sa Barangay Manungkaling, gipusil kini sa riding in tandem suspects gamit ang kalibre .45 nga pistola.

Daling nisibat ang mga suspek paingon sa hilit nga dapit sa Mamasapano.

Dead on the spot ang biktima human naigo sa bala ang ulo ug likod.

Hugot nga gikondena sa DepEd-Maguindanao ug lokal nga panggamhanan sa Sultan Sabarongis ang pagpatay sa school principal. Sa pagkakaron, padayon pa ang imbestigasyon sa Mamasapano Municipal Police Station sa maong krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph