Personal nga dumot motibo pagpatay sa babaye sa Tagum

PERSONAL nga atraso ang gitumbok nga rason sa pagpusil-patay sa 35-anyos nga babaye sud sa Jam Pension House KTV Bar sa Purok Tadena, Mankilam siyudad sa Tagum, 8:30 sa gabii , Marso 22 , 2024.

Kini ang miguwang detalye subay sa imbestigasyon nga gilusad sa Tagum City Police Station.

Kahinumduman nga napatay mao si alyas Gina, 35 anyos, minyo, entertainer sa KTV bar, molupyo sa lungsod sa San Isidro sa probinsiya.

Sigun sa usa ka vendor nga si Marianes, 38 anyos, nga niadtong higayuna iyang nakita ang biktima nga naglingkod sa sofa gawas sa establisyemento.

Miduol ang usa ka lalaki dayon pusil sa biktima sa makadaghang higayon.

Narekober sa kapulisan sa crime scene ang tulo ka mga baseyo sa bala ug usa ka tingga sa gituohang kalibre .45 nga armas.