Pusher sa Mandug napatay

Pusher sa Mandug napatay
(Hulagway gikan sa Davao City Police Office)

PATAY nga niabot sa ospital ang giilang Top 4 sa drug watchlist sa Davao City human nga giingong nisukol atol sa buy-bust sa mga sakop sa Mandug Police Station alas 3:17 sa buntag niadtong Dominggo, Enero 21, 2024, sa Barangay Mandug, Davao City.

Giila sa Mandug Police Station ang suspek nga si alyas Tots, hamtong ang pangedaron ug molupyo sa Barangay Mandug.

Giingon nga gipailawom na sa monitoring sa kapulisan sa Mandug ang suspek, diin sa gihimong test-buy nagpositibo kini.

Gilayong nikasa og buy-bust ang kapulisan batok sa suspek, ug dihang gitunol na ang gituohang shabu, namatikdan sa suspek nga mga pulis diay iyang ka-transaksiyon.

Giingong nibunlot og pusil ang suspek hinungdan nga giniyutralisa kini sa kapulisan ug nadala pa sa ospital, apan dead on arrival na kini.

Nakumpiska sa kapulisan ang 5 gramos nga gidaghanon sa gituohang shabu kantidad og P80,000. Nakuha sab sa posisyon sa suspek ang usa ka .38 revolver.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph