Records sa Sirawan high school wa masunog

Records sa Sirawan high school wa masunog
(Hulagway gikan sa Davao City Public Inquiry and Information Page)

GISIGURO sa mga magtutudlo sa Sirawan National High School sa Toril District, Davao City nga luwas ang mga records sa ilang mga estudyante human nga natigayon ang sunog alas 9:06 sa gabii, Dominggo, Nobyembre 5, 2023.

Sa report sa kabomberohan, duha ka classroom ang naugdaw samtang usa ang partially damaged diin wala pa gikabutyag sa kabomberohan unsay hinungdan sa kalayo.

Gikabutyag nga Dominggo sa buntag, gisiguro sa mga magtutudlo nga luwas ang ilang mga records.

Wala pa gikabutyag sa report unsa nga lawak ang mga nangasunog sanglit nagpadayon pa ang ilang gihimong imbestigasyon sa hitabo.

Una niini, natingala na lang ang mga residente nga naa nagpuyo duol sa tunghaan nga kalit lang misilaob ang tunghaan. Dali sab dayon silang nanawag sa kabomberohan ug gilayong nakontrola ang kalayo alas 9:52 sa gabii.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph