DUHA ka mga indibiduwal ang nakahiagom og mga paso sa nagkadaiyang parte sa lawas atol sa nahitabong sunog alas 11:15 sa buntag, Lunes Enero 8, 2024 didto sa Sunflower Street, Sabroso, Brgy. 76-A, Bucana Davao City.
Giila ni Police Major Noel Villahermosa, station commander sa Ecoland Police Station ang mga biktima nga sila Lorype Tansiongco, babaye, 34-anyos nga naka-angkon og first-degree burn sa iyang walang kamot ug si John Europa, 42-anyos nga naka-angkon sab og first-degree burn sa iyang walang kamot, likod ug liog.
Ang mga biktima daling gidala sa Burn Unit sa Southern Philippines Medical Center (SPMC).
Gikanayon nga samtang midako na ang kalayo, nakasapda ang duruha og kalayo hinungdan nga sila nangapaso.
Sa pasiunang report, c ang totally damaged samtang usa ang partially damaged.
Sumala ni Fire Officer (FO) 1 Jeremi Pepito nga nagsugod ang kalayo sa likod sa balay ni Alfredo Hingpit Diongco, 45-anyos diin dali ra sab nga mikanit sa mga tapad nga balay.
Padayon pang ginasuta ang hinungdan sa kalayo.