HIMAS rehas na ang usa ka lalaki nga wanted sa kasong lugos sa pipila ka batan-ong babaye, apil na ang 5-anyos niyang pag-umangkon, human makorner sa operasyon sa otoridad, sa Kidapawan City alas 9:00 buntag, Huwebes Abril 11.
Suspek mao si alyas Rogie, taga Sitio Sumahayon, Barangay Perez Kidapawan City.
Sumala ni Cotabato Police Provincial Director Colonel Gilberto Tuzon nga ilang gidakop ang suspek sa mismong pinuy-anan niini subay sa warrant of arrest nga giisyu sa korte.
Sa report, apil sa gimolestiya sa suspek ang singko anyos nga anak sa igsuon sa iyang asawa.
Ang warrant of arrest sa suspek ang giisyu ni Judge Jose Tabosares sa RTC Branch 23 sa Kidapawan City.
Kini dunay kalabutan sa Republic Act No. 11648 o statutory rape, ang pagpakighilawas sa mga batan-on nga wala pay 16 anyos.
Walay piyansa nga girekomenda ang korte sa kaso sa suspek.
Tingkagol na ang suspek sa prisuhan sa Kidapawan City PNP ug gitakda nga ibalhin sa City Jail. (Edgardo E. Fuerzas)