Suspek sa pagpamomba sa MSU sikpaw

Gawas kang Sultan gipangita sab sila Kadapi Mimbesa alyas Engineer ug Arsani Membisa alyas Khatab o Hatab
Ang suspek nga si Jafar Gamu Sultan, alyas Kurot ug alyas Jaf nga nagpuyo sa Barangay Dulay Proper, Marawi City subay sa gibutyag ni Police Regional Office-Bangsamoro Autonomous Region (PRO-BAR) Regional Director Brigadier General Allan Nobleza.
Ang suspek nga si Jafar Gamu Sultan, alyas Kurot ug alyas Jaf nga nagpuyo sa Barangay Dulay Proper, Marawi City subay sa gibutyag ni Police Regional Office-Bangsamoro Autonomous Region (PRO-BAR) Regional Director Brigadier General Allan Nobleza.Hulagway gikan sa SITG-Marawi pinaagi ni Edgar E. Fuerzas.

MARAWI CITY - Tingkagol na sa prisohan ang usa sa mga suspek sa pagpamomba sa Mindanao State University (MSU) nga nadakpan alas 9 sa gabii, Huwebes, Disyembre 7, 2023 sa siyudad.

Giila ang suspek nga si Jafar Gamu Sultan, alyas Kurot ug alyas Jaf nga nagpuyo sa Barangay Dulay Proper, Marawi City.

Gibutyag ni Police Regional Office-Bangsamoro Autonomous Region (PRO-BAR) Regional Director Brigadier General Allan Nobleza nga nadakpan si alyas Kurot sa hiniusang puwersa sa Task Force Marawi ug Marawi City PNP sa iyang gipuy-an sa Brgy. Dulay Proper.

Si Sultan nailhan pinaagi sa kuha sa closed-circuit television (CCTV) camera sa Dimaporo Gym uban si alyas Omar nga misulod ug migawas diin pipila ka gutlo mibuto ang IED.

Atol sa pagpamomba upat ang patay nga gilangkuban sa duha ka magtutudlo, duha ka estudyante samtang 47 ang naangol.

Positibo sab nga gitudlo si alyas Kurot sa mga testigo nga apil sa mga nanimba.

Gawas kang Sultan gipangita sab sa mga awtoridad sila Kadapi Mimbesa alyas Engineer ug Arsani Membisa alyas Khatab o Hatab ug Lapitos nga gitumbok nga mga miyembro sa Dawlah Islamiyah Maute Terror Group.

Sa kasamtangan gipalig-on pa sa militar ug kapulisan ang seguridad sa dakbayan sa Marawi. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph