COTABATO CITY -- Gipangita na sa mga awtoridad ang tag-iya sa smuggled cigarettes nga nakaplagan alas 8 p.m., Lunes, Hunyo 10, 2024, sa probinsiya sa Maguindanao del Sur.
Gibutyag ni Sultan Kudarat Officer-In-Charge Captain Norman Nur nga nakadawat sila og taho gikan sa mga sibilyan sa mga smuggled cigarettes nga ilang nakaplagan sa Brgy. Ungap, Sultan Kudarat, Maguindanao del Sur.
Abtik kining giadtoan sa mga pulis ug nadiskubre ang napulo ka karton sa nagkadaiyang klase sa sigarilyo.
Gikanayon ni Nur nga ang mga smuggled cigarettes nagkantidad og P180,000.
Mga smuggled cigarettes nagagikan sa Zamboanga area nga gibuhat gikan sa laing nasud ug illegal nga gipalusot sa Pilipinas.
Kahinumdoman nga daghan na nga mga smuggled cigarettes ang nakompiska sa Maguindanao del Norte, Maguindanao del Sur, Sultan Kudarat Province, Lanao del Sur, Marawi City ug Cotabato City.
Tungod niini, mas gipalig-on pa sa Sultan Kudarat Municipal Police Station ang operasyon batok sa mga smuggled cigarettes.(EEF)