Total firecracker ban sa Cotabato

Total firecracker ban sa Cotabato

COTABATO CITY -- Hugot nga gipatuman sa dakbayan ang total firecracker ban subay sa City Ordinance 2144. Nagpasabot nga ang pagbaligya ug paggamit og pabuto o bisan unsang matang sa pyrotechnics gidili atol sa pagsugat sa Bag-ong Tuig, Enero 1, 2024.

Matud ni Cotabato City Police Office Director Colonel Querubin Manalang Jr., nga ang bisan kinsa nga madakpan nga naglapas sa ordinansa pamultahon og P1,000 sa unang paglapas, P3,000 sa ikaduhang paglapas ug P5,000 sa ikatulong kalapasan.

Sa pagkakaron, wala pay natala nga kaso sa mga tawo nga migamit o nabiktima sa pabuto sa siyudad.

Nanawagan si Manalang sa mga Cotabateño nga mogamit og trumpeta ug bisan unsang butang nga makamugna og kasaba gawas sa pusil ug pabuto aron magmalinawon ang Bag-ong Tuig sa dakbayan.

Samtang nagbahad sab ni Mayor Bruce Matabalao batok sa mga tawong magpabuto og pusil sa pagsugat sa Bag-ong Tuig nga mag-atubang gyud og silot pinasikad sa balaod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph