Wa'y suspek pagtipi's negusyante

Wa'y suspek pagtipi's negusyante
Gipaambit nga hulagway

TAGUM CITY, Davao del Norte -- Wala pa’y matudlong suspek ang kapulisan sa Tagum City Police Station sa pagpusil-patay sa usa ka negusyante alas 8 sa buntag, Lunes, Enero 15, 2024, gawas sa usa ka dakong hardware ning siyudad.

Sa inisyal nga imbestigasyon gikan sa kapulisan sa Tagum PNP, ang biktima nga si Ramel Lintuan, hamtong ang pangedaron, gikan sulod sa Wilcon Depot.

Paggawas niini, dihang pasakay na unta sa iyang sakyanan, gibanhigan siya sa riding-in-tandem nga mamumuno kinsa daling misakay sa motorsiklo human sa panghitabo.

Dead on the spot ang biktima kinsa nakahiagom og mga samad-pinusilan sa iyang lawas.

Nasayran nga usa ka negusyante ang biktima kinsa naay gipamalit sud sa nasampit nga tindahan.

Ang kapulisan sa Tagum nagpadayon pa sa ilang imbestigasyon aron matumbok ang motibo sa krimen. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph