X'mas party gidili sa mga tunghaan

X'mas party gidili sa mga tunghaan
Hulagway gikan sa Compostela FB page

GIDID-AN ang mga tulunghaan sa lungsod sa Compostela, Davao de Oro nga magpahigayon og christmas party sa mga kabataan.

Kini ang gibutyag ni Compostela Mayor Levi Ebdao nga napatik sa iyang opisyal Facebook page nga nagkanayon nga padayong suspendido ang mga klase, aktibidadis ug trabaho sa mga publiko ug pribadong tunghaan sa lungsod.

Matud pa nga ang klase magpadayon sa "blended learning" kung diin ang mga aktibidadis sama sa christmas party sa sulod sa eskuwelahan hugtanong gidili.

Samtang gibutyag sab nga sa trabaho, ang mga school heads, teaching ug non-teaching mosulod sa trabaho hangtud sa Disyembre 15, 2023, aron nga makatuman ug makasumite sa mga dokumento una ang bakasyon.

Gisulti ni Mayor Ebdao nga ang desisyon nakab-ot human sa gipahitabong panagtigum kauban ang mga school heads, engineering ug uban pang mga departamento.

Kahinumdoman nga nagpagawas og mando si Mayor Ebdao nga i-suspende ang klase sa mga tulunghaan ug ibalik sa "blended learning" ang pagtuon sa mga estudyante human mitay-og ang makusog nga linog niadtong Disyembre 2, 2023 ug gisundan sa mga aftershocks sa mga misunod nga mga adlaw.

Malaumon ang amahan sa lungsod nga mabalik ang face-to-face nga klase sa Enero pinaagi sa himuong pagtinabangay uban ang tanang mga tulunghaan ug mga concerned government offices.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph