2 sekyu gidemanda tungod sa druga

DUHA ka mga security guard ang nag-atubang og kasong paglapas sa Republic Act 9165 kun Comprehensive Dangerous Drugs Act of 2002 human sila nasikop sa kapulisan ala 1:30 sa kaadlawon niadtong Lunes.

Base report sa Davao City Police Office, nasikop mao sila Johaibir Mustapah ug Alvin Mamintal, pulos security guard, nagpuyo sa Times Beach, Barangay 76-A Bucana, Dakbayan sa Davao.

Ang mga suspek nasikop sa mga sakop sa San Pedro Police Station nga gipangulohan Police Chief Inspector Ronal Lao atol sa drug bust didto sa dalang Legazpi, atubangan sa People's Park.

Sila Mustapah ug Mamintal nasuta sa kapulisan nga nagkunsabo sa pagbaligya og shabu mao nga gilusad ang drug bust operation.

Huma sa ilang pagkasikop, dihang gikapkapan ang duha, gitunol ni Mamintal ang lima ka pakiteng shabu nga nagkantidad og P5-mil samtang nakuha sab ang marked money ug .38 kaliber nga revolver gikan ni Mustapah.

Mga suspek temporaryong gitinir sa selda sa San Pedro Police Station samtang nagpaabot sa sunod nga mando sa korte labot sa ilang kaso. (AD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph