3 nasikop sa drug bust

TULO ka mga nalambigit sa ilegal nga druga ang nasikop sa kapulisan atol sa drug bust sa siyudad sa Davao, Miyerkules sa buntag.

Si Police Chief Inspector Ronald Lao, hepe sa San Pedro Police Station, maoy nangulo sa operasyon subay sa koordinasyon sa Philippine Drug Enforcement Agency (PDEA) sa Rehiyon sa Davao alas 12:15 sa kaadlawon sud sa lawak sa Darong Lodging Inn sa Magallanes Street, ning dakbayan.

Si Lao nag-ila sa mga nasikop nga sila Clark Rey Sebañes Del Socorro, alyas Lantoy, nagpuyo sa Barangay 5-A Bankerohan.

Ang suspek nasikop human midawat og P500 nga drug bust money gikan sa opisyal sa pulis nga nagtakuban nga mopalit og shabu.

Nakuha gikan niya ang pakite nga dunay shabu.

Ang kapulisan misikop sab sa duha ka mga suspek nga nasakpan sa gihimong shabu session, nailang sila Jaida Gonzalez Sanawi, 29, taga Barangay Talomo Proper, ug Anna Maris Hepgano Ancajas, 25, nagupo sa Maa.

Nakuha gikan nila ang paraphernalia ug druga nga nagkantidad og P50,000.

Ang tulo gipriso sa kapulisan samtang gihikay ang kasong paglapas sa Sections 5 ug 11 sa Republic Act 9165, nailhang Comprehensive Dangerous Drugs Act of 2002. (KRP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph