5 dakpan naghantak, gikiha

SULOP, Daval del Sur -- Lima ka mga lalaki ang naaktuhan sa kapulisan nga nagsugal og hantak nadakpan didto sa Purok 1, Barangay Waterfall, alas 11:55 sa gabii, Martes.

Ang kapulisan, nga gipangulohan ni Police Officer 3 Ramonito B. Telmo, miresponde sa maong dapit human makadawat og taho kalabot sa maong ilegal nga sugal, hinungdan nga nadakpan sila si Florie Malasado Pacatan, Jason Dave Gonzalez, Vicente Ondoy Razonable, Henjay Alves Diamada, pulos taga Purok 2; ug Rodolfo, 17, ulitawo nga taga Purok 1 sa maong barangay.

Nasayran nga nasiplatan sa kapulisan ang mga nahisgutan nga naghantak sa maong lugar hinungdan nga gisita ug gidakop.

Narekober sa kapulisan gikan sa mga nahisgutan ang duha ka mga tag-piso nga gihimong "antugon" ug salaping balor P79.00 nga ilang pusta.

Gidala ang mga dinakpan sa presinto sa kapulisan ug gilayon gihikay ang kasong paglapas sa Anti-illegal Gambling Law batok kanila. (OBD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph