Lider sa mga mag-uuma sa APPO gipusil, namatay

KIDAPAWAN CITY -- Patay ang lider sa mga mag-uuma human gipusil sa alas 9:15 sa buntag niadtong Martes didto Arakan sa probinsiya sa North Cotabato.

Giila ang biktima nga si Joel Gulmatico, secretary general sa Arakan Peasant Progressive Organization (APPO).

Gibutyag ni Superintendent Bernard Tayong, tigpamaba sa North Cotabato Provincial Police Office, nga nahitabo ang pagpatay samtang sakay si Gulmatico sa iyang motorsiklo gikan sa iyang bay ug paingon na unta sa munisipyo sa Arakan.

Sumala pa nga pag-abot sa biktima didto sa Barangay Naje, kalit lang mitunga ang duha ka wala mailhing lalaki ug nagpusil kaniya.

Si Gulmatico nga naigo sa ulo, nawong ug likod namatay gilayon samtang mga suspetsado mikagiw palayo sa lugar sakay sa laing motorsiklo nga walay plaka.

Gihulagway nga mga mamumuno nagtaptap sa ilang mga nawong gamit ang panyo hinungdan nga wala sila mailhi sa mga nakakita.

Nasayran nga ang biktima gipusil unahan lamang sa detachment sa 57th Infantry Battalion sa Philippine Army.

Sa kasamtangan, blangko pa ang kapulisan sa motibo sa pagpatay sa biktima ug padayon pa ang ilang imbestigasyon. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph