USA ka sakop sa sundalo ang namatay sa pagbinayloay og bala tali kasundalohan ug mga sakop sa New People's Army (NPA) sa Barangay Kitobo lungsod sa Kitaotao, Bukidnon.
Basi sa report sa Community Relation Office sa Police Regional Office (PRO)-Northern Mindanao ubos ni Police Superintendent Lemuel Gonda ang engkwentro gilangkoban sa 20 ka mga sakop sa 2nd Special Force sa Philipphine Army ug wala matinong gidaghanon sa mga sakop sa NPA.
Mga alas 11:30 sa gabii niadtong Sabado paingon na unta ang mga sundalo mobalik sa ilang headquarters duhang gi-ambush sa mga sakop sa NPA sa dapit.
Miresulta nahitabo ang pagbinayloay og bala nga milangtod og napulo ka minuto.
Usa ang patay nga sakop sa sundalo diin 11 niini ang samdan.
Misibat sab ang mga NPA nga gidudahang adunay mga sakop nga nakabsan sa kinabuhi.
Sa pagsulat ning balita, padayon ang hot pursuit operation ngadto sa mga misibat nga sakop sa NPA.
Ang mga samaran lakip ang patayng lawas sa sundalo kinsa wala pa gipanganlan ning pagsulat sa balita isip pagrespeto sa pamilya nga wala pa napahibalo ang gikatakdang dalahon sa kampo sa 4th Infantry Division PA sa Camp Evangelista ning dakbayan sa Cagayan de Oro. (SVB)