PIKIT, North Cotabato -- Napulo ka tawo ang gipangdakop sa mga miyembro sa Moro Islamic Liberation Front (MILF) alas 10:30 sa buntag niadtong Huwebes, Oktubre 5.
Matud ni Pikit Chief of Police Romy Castanarez nga gisulod sa gibana-banang 600 ka MILF ang Barangay Tinutulan, Pikit.
Gipangdakop sa grupo ni Kumander Abbas sa MILF ang napulo ka tawo nga nalambigit sa pagpayuhot sa gidiling druga.
Uban sab sa operasyon sa BIAF-MILF Eastern Mindanao Front ang mga barangay opisyal nga gipangulohan sa presidente sa Association of Barangay Captains (ABC) sa Pikit nga si Datu Turno Sultan.
Mga dinakpan gitunol sa MILF ngadto sa kapulisan sa Pikit Municipal Police Station nga gisaksihan ni Pikit Mayor Sumulong Sultan.
Narekober sa kapulisan gikan sa mga dinakpan ang dili matino nga gidaghanon sa shabu ug mga armas.
Ang operasyon sa MILF kabahin sa kampanya batok sa ilegal nga druga isip suporta sa war on drugs ni Pangulong Rodrigo Duterte. (Edgar E. Fuerzas)