PATAY na nga napalgan ang usa ka batang babaye human naligo ug nalumos sa suba sa Carinugan, Balulang ning dakbayan sa Cagayan de Oro.
Nasayran nga niuban sa iyang apohan nga nanglaba si Princess Jagengan, 11 ug residente sa Singapore, Phase 1 ning dakbayan.
Sa impormasiyon gikabutyag nga wala na niini namatikdan sa apohan dihang naligo si Princess kauban ang magulang niini ug laing duha ka mga bata.
Gipangita pa kini sa mga sakop sa Oro rescue ug uban pa nga mga nagpakabanang katawhan.
Giingong human sa dul-an usa ka oras diha ma nakaplagan ang patayng lawas ni Jangenan ilawom sa subanga. Gibana-banang adunay gilawmon nga moabot sa mga 15 feet ang maong suba nga giingog gi-quary.
Sa pagsulat niining balita anaa na sa kamot sa pamilya ang patyang lawas sa biktima.