KAPIN 11 ka pambato sa Mindanao Ultimate Mixed Martial Arts (Mumma) ang moaway sa Muay Thai National Championships 2017 karong Huwebes, Hulyo 13, didto sa Dumaguete City.
Masulay nila ang ilang asido sa ilang unang away gawas sa Cagayan de Oro City.
Mokomposar sa delegasyon mao sila Katrina Limbaroc, 17; Angelie Sabanal, 27; Kirby Pungtod, 32; Haresh Frederick Dela Serna, 29; Gianni Luis Garrido, 20; Chaz Mayo, 19; Joshua Jude Paclar, 18; Paul Galupe, 18; Jasper Ray Navarro, 31; Denver Russel Fabroa, 18; and Yncent Pol Calibjo, 23.
Pulos tanan sila moaway sa novice nga mga kategoriya sa upat ka adlaw nga torneyo.
“Opo first time na sila mudula wala silang mga experience mga student man na namo sa gym kap. Among giencourage na magtry compete,” ingon ni Beh Barothy Hung, kinsa ang tigdumala sa delegasyon.
Sa pikas bahin, ang prize fighter sa Mumma nga si Ely Fernandez moaway sa first Caraga Brazilian Jiu-Jitsu Gi and No Gi Invitational 2017 karong Sabado didto sa Robinsons Mall, Butuan City.