16 anyos nabangga sa trak patay

PATAY na nga miabot sa balay tambalanan ang usa ka batan-on human kini naaksidente sa gimanihong motorsiklo ug aksidenteng nabangga sa nakaparada nga ten-wheeler truck sa probinsiya sa Bukidnon.

Ang biktima naila nga si John Mark Paraguso, 16.

Subay sa report nga samtang pauli na ang biktima sa ilang panimalay ug sakay sa gimaniho niini nga motorsiklo, nabangga kini dihang nisulay sa pag-overtake sa nasundang sakyanan.

Wala mabantayan sa biktima ang nakaparada nga ten-wheeler truck sa daplin sa kalsada.

Tungod sa grabe nga impak, giingong guba kaayo ang motorsiklo hinungdan nga grabe usab ang naangkon sa biktima nga samad sa kalawasan hilabi na sa ulo nga bahin niini.

Gisuwayan pa kini og dala sa Puerto Community Hospital apan gideklara kining patay na paghidangat sa balay tambalanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph