164 IDPs sa Marawi City midawat og hinabang

HUMAN sa 10-day work nga tanyag sa Department of Social Welfare and Deve­lopment (DSWD) Central Visayas alang sa internally displaced persons (IDPs) gikan sa Marawi City, ang mga bakwit nakadawat sa ilang cash assistance sa Septiyembre 12, 2017.

Uban sa panaghiusa sa kagamhanan sa dakbayan sa Sugbo, ang IDPs gihatagan og opurtunidad sa pagtrabaho sa Visayas Disaster Response Center (VDRC) sulod sa 10 ka mga adlaw sukad sa Agusto 23 ngadto sa Septiyembre 8, 2017, isip kabahin sa pagtabang sa Department of Social Welfare and Development (DSWD) ug local government unit (LGU).

Nikabat sa 264 registered families ug 1,148 individuals ang natala nga ningbalhin sa dakbayan sa Sugbo gikan sa Marawi atol sa pagbuto sa kasamok sa maong dakbayan.

Tungod sa panaghiusa, 190 IDPs ang nalakip sa cash for work project. Ang DSWD niaprobar sa kantidad nga P380,000.00 alang sa 190 ka tawo sa pagtrabaho sa VDRC.

Ang IDPs modawat og P200 alang sa 8 hours work matag adlaw gikan sa Lunes ngadto sa Biyernes.

Busa, ang matag usa kanila makadawat og P2, 000 alang sa 10 ka adlaw sa patrabaho.

Ang kagamhanan sa dakbayan sa Sugbo nitampo sa pagtahatag sa mga batakang panginahanglan sa mga bakwit sama sa tubig, pagkaon, sinina ug ubang personal nga gamit sa matag adlaw sulod sa evacuation centers o ilang gipuy-an. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph