2 'mangongout' sapon

NASAPON sa mga tambay ang duha ka mga suspetsado kinsa misulay sa pagkuot sa pitaka sa usa ka babaye diha sa Barangay 38 ning Dakbayan sa Cagayan de Oro.

Ang mga suspetsado naila nga sila si Michael Salindo, alyas Sira ug si Marvin Torres, alyas Mr.Bean.

Subay sa report gikan sa buhatan sa Police Station (PS)-2 sa Cogon nga samtang nagmonitor ang usa ka polis sa dapit, nasapon niini nga gikuot sa mga suspetsado ang pitaka sa biktima nga si Lina Lirasan.

Gisulayan kini sa pagsikop sa polis apan nagdumili kini ug gisipa ang otoridad hinungdan nga nahulog kini sa escalator ug nakaangkon og samad sa wala nga tiil.

Dali usab nga mitabang ang mga nagtambay sa dapit ug gikulata ang mga suspetsado hinungdan sa pagkasikop.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph