2 trabahante gitulis, P80 mil nadala

DUHA ka mga trabahante sa usa ka dakong kompanya ang gitulis sa duha ka mga lalaki niadtong Martes mga alas 3:40 sa hapon sa Zone-4, Bugo ning siyudad sa Cagayan de Oro.

Kapin P80 mil ang nadala sa mga suspetsado human gitulis sila si Philip Christian Gemino ug Rico Ybañez, trabahante sa kompanya sa sigarilyo nga mao ang Philip Morris Inc.

Si Police Inspector Bermil Alinas, deputy station commander for operation, mibutyag nga sa medyo hilit-hilit na nga bahin sa maong dapit nahitabo ang maong insidente samtang kamulo og kanaog og stocks, kalit silang giduolan sa wala maila nga mga suspetsado ug gitionan sa giingong kalibre.45 nga armas ang mga biktima.

Gidugang pa nga gipasakay kini sila pagbalik sa maong sakyanan ug didto gikuha ang ilang koleksiyon human daling mikanaog ang maong mga suspetsado ug nipalayo sa maong dapit sakay sa motorsiklo nga kolor pula paingon sa highway ug Puerto nga direksiyon.

Sa pakighinabi sa Sun.Star SuperBalita ngadto sa polis, gikabutyag nga padayon pa nga giimbestigahan sa ilang buhatan ang maong insidente aron nga masikop ang maong mga wala maila nga suspetsado.

Giingong duha ka wala maila nga mga suspetsado ang responsable sa maong pagpanulis diin pulos nakakalo.

Sa pagkakaron, ang maong insidente ang padayon pa nga giimbestigahan sa kapolisan aron sa dinaliang pag-ila ug pagkasikop sa mga suspetsado.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph