MOABOT sa 20 ka mga tawo ang nadakpan sa nagkadaiyang operasyon nga gihimo sa nagkalain-laing police station sa Misamis Oriental Provincial Police Office.
Sugod niadtong Abril 9 ngadto 15 diin usa lamang ka semana nga operasyon moabot sa 20 ka operasyon ang gikasa sa kapulisan.
Napulo niini nasilbi nga malampuson ang warrant of arrest batok sa mga wanted person diin usa niini giilang number 2 ug 9 sa municipal ug provincial level.
Lima sa mga nadakpan nagpatigayon og ilegal nga sugal samtang upat ang malampuson nga drug bust ug usa ka tao nakuhaan og armas nga walay lisensya.
Gikalipay ni Police Senior Superintendent Rolando Destura ang kalamposan tungod kay daw nagpakita lamang kining iyang mga sakop nihimo sa ilang mga tahas aron mawagtang ang mga ilegal nga kalihokan sa ilang nagkadaiyang lungsod. (SVB)