30 ka piniriso nakagawas na sa Misamis jail

GIBUTYAG ni Misamis Oriental Provincial Jail (MOPJ) warden Dominador Tagarda nga moabot na ngadto sa 30 ka mga piniriso ang nakagawas sa prisuhan human nasunog ang Hall of Justice niadtong katapusang bahin sa Enero.

Matud ni Tagarda nga pipila sa mga kaso ang nadesisyunan sa korte nga i-dismiss ug sagad sa kaso mao ang ginadili nga druga, murder ug pagpangawat.

Gipasalamat usab niini ang pagpakagawas sa mga piniriso tungod kay over crowded na sila sulod sa prisuhan.

Gikatakda usab nga madugangan ang ihap sa makagawas ug moabot kini sa gatusan kapin human nangayo og record ang pipila ka mga branches sa korte sa kopya sa mga kaso sa pipila ka mga piniriso diin 50 porsiyento niini nalambigit sa ginadili nga druga.

Sa kinatibuk-an, adunay mokabat 526 ka mga piniriso sulod sa MOPJ nga giingong gapunsisok na sulod sa maong buhatan. Gani daw, gilain nila ang mga senior citizen ngadto sa mga batan-on ug anaa na sila gipahimutang sa gawas nga bahin.

Malaumon usab si Tagarda nga unta matibawas na ang plano ni Misamis Oriental Governor Yevgeny Emano nga mabalhin na ang buhatan didto sa lungsod sa Initao aron mas luag ug dili na kaayo magpunsisok gawas pa nga dili na usab kini mahimutang denhi sa sentro nga bahin sa siyudad. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph