38 delegado sa Davraa naospital

ANG Davao City Government miresponde sa emerhensya niadtong Sabado sa gabii human 38 ka miyembro sa Mati City contingent sa Davao Region Athletics Association (Davraa) Meet 2018 ang mitugpa sa Southern Philippines Medical Center tungod sa panakit sa ilang tiyan.

Ang inisyal report sa City Health Office, nagbutyag nga ang tawo nga gisaligan sa contingent nagserbe sa sobra nga pagkaon sa miaging gabii alang sa pamahaw sa mga atleta.

Ang sobra nga pagkaon alang sa pamahaw giserbe usab alang sa paniudto ug mao usab sa ilang panihapon.

Gikataho usab nga sila nagtugot sa mga atleta nga moinom sa tubig nga di luwas inomon.

"I recommend to the Department of Education and the local government unit of Mati to investigate the teachers and the persons in charge of the group," suma ni Mayor Sara Duterte-Carpio.

Ang pahayag sa mayor miguwa human nasuta nga dunay pagpasagad ang opisyal sa contigent sa Mati City.

"This reckless action resulted in the injury of 38 individuals, many of whom were children entrusted by their parents to those who purported to take care of them," matud sa mayor.

Si Duterte-Carpio nipasabot nga di angay palampason kini nga buhi.

"This obvious cost cutting on the budget for the meals is tantamount to corruption and should be dealt with severely. Limited resources should not be an excuse for reckless behavior which endangers the lives of people, especially children," matud niya.

Pasalig sa mayor nga atimanon sa siyudad tanang delegado.

"We would like to remind all contingents that the Davao City Government as host of the DAVRAA is ready to assist anytime and let us know immediately how we can help them to make their stay comfortable," pahayag sa mayor.

Labot sa seguridad sa mga delegado, gipahugtan sab sa kapulisan ang security plan nga ipatuman sa 8-mil ka mga pulis, sundalo, ug force multipliers.