UPAT sa unom ka miyembro sa Mindanao Ultimate Mixed Martial Arts (Mumma) ang kompirmadong misalmot sa National Muay Thai Championships 2016, diin pormal giabri niadtong Huwebes, Disyembre 15, sa Philippine Sports Complex, Pasig City.
Ang upat nidala sa bando sa Cagayan de Oro City nga mao sila Rocky Batolbatol, Ely Fernandez, Denvier Russell Fabroa, ug Jervie Eslao.
Ang 31-anyos nga Batolbatol moaway sa 70 kgs advance category, samtang ang 19-anyos nga Fernandez ngadto sa 54 kgs advance category.
Moaway sab sila Fabroa ug Eslao sa novice nga mga kategoriya. Si Fabroa modula sa 48 kilograms (kg) nga timbang, samtang si Eslao sa 65 kg.
Apan, nakatotok ang mga aksyon ngadto sa advance nga mga kategoriya.
Masulayan nila Batolbatol ug Fernandez ang asido sa mga kadalaing muay thai fighters sa nasod.
Matod sa head delegation ug tigdumala sa Mumma nga si Beh Barothy Hung nga daghan gapang-scout sa ilang mga kategoriya sa advance labina katong nag-ambisyon mahimong miyembro sa RP muay thai team.
Sapikas bahin, duha sa grupo ang wala makaubantungod sa kaapeke sa panahon.