4 sumusunod ni Parago nasikop sa pulis

UPAT ka mga tawo ang nasikop sa otoriad alas 12:30 sa hapon Martes, didto sa Calinan, dakbayan sa Davao.

Si Davao City Police Office spokesperson Milgrace Driz nag-ila sa mga dinakpan nga sila Christopher Cojetia, alyas Ka Joel; Ninal Ranie, Bartolome Alexander, ug Capito Mike.

Matud ni Driz, ang upat nasikop human gisilbi ang warrant of arrest kang Ka Joel, kinsa gituohan nga sumusunod ni anhing Leoncio Pitao, alyas Kumander Parago, sa New People's Army.

"Didto ni sila nadakpan sa Station Grill sa Calinan. Naay naka-info nga naa sa lugar si alyas Joel nga naay warrant of arrest, so gi-serve dayon sa Calinan Police Station ang warrant," sulti ni Driz dihang gihinabi sa Sun.Star Davao SuperBalita Martes sa telepono.

Gibutyag sa opisyal nga nakuha gikan sa upat ang mga armas, improvised explosive devices, mga cellphone, granada, ug electrical wirings.

Mga dinakpan gipresenta niadtong Martes sa media atol sa gihimong press conference.

Giandam na karon ang tukmang kaso nga ipasaka batok sa mga suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph