40 ka pamilya mibalik sa pagtukod og balay sa Brgy. Guizo, Mantuyong

NAKASUGOD na sa pagtukod ang 40 ka mga benepisar­yong pamilya sa ilang mga balay ngadto sa 9.2 ektaryang luna, usa ka tuig human niigo ang dako nga sunog sa Guizo ug Mantu­yong niadtong Marso sa milabayng tuig.

Sa milabayng semana, na-raffle na sa kagamhanan sa dakbayan sa Mandaue ang slots para sa 657 ka pamilyang benepisaryo nga makabalik pagtukod sa ilang mga balay.

Apan mga katunga lang sa kapin 600 ka mga benepisaryo ang nitunga sa pag-raffle, sumala ni Atty James Allan Sayson sa city legal office.

Sumala ni Sayson nga sukad sa milabayng semana, ang ilang gibuhat aron makabalik ang mga nabalidong benepisaryo kinsa biktima sa dakong sunog sa milabayng tuig gisugat og protesta ug gisakyan sa grupong Piston, militanteng kahugpongan sa mfga drayber ug operators.

Bisan kagahapon sa buntag, may mga nagprotesta gihapon sa duol atubangan sa buhatan sa CLO ug sumala ni Sayson nga ang uban nga mikuyog sa protesta mga benepisaryo sa 9.2 ektaryang luna.

Matod ni Sayson nga kadtong mga benepisaryo nga wa nitunga sa pag-raffle sa luna sa milabayng semana gitagan-an lang ug luma ka adlaw aron mapirmahan niini ang Memorandum of undertaking (MO­U). Lakip na niini kadtong mga nisalmot sa protesta.

Bahad ni Sayson, ang mga benepisaryo nga nagmagahi og dawat sa luna nga human sa lima ka adlaw, padad-an kini og notisiya sa buhatan.

“We will send formal notices to kun mahitabo nga di dawaton sa benepisaryo ang luna, posible kining ihatag sa benepisaryo nga naghuwat nga makabalhin sa relocation site nga dili sa 9.2 ektaryang luna.

Ubos sa MOU, di mahimong papuy-an og lain, pa-abangan (himuong komersyal), i-mortage, o ibalhin ang pangan sa luna sa lain aron di mausik ang donasyon nga luna., Kon himuon sa benepisaryo, hayan bawion sa dakbayan ang maong luna.

Si Sayson nga nakasabot ang mga benepisaryo di na hatagan pa og ayuda sa ka­gamhanan. Giklaro hinuon ni Sayson nga mahimo gihapon sa pagpuyo ang mga benepisaryo nga nakadawat sa ilang luna gawas sa CICC hangtod nga mahuman na pagtukod ang ilang balay.

Nanghinaot si Sayson nga sa di pa mahuman ang summer, mapahimutang na sa laing relocation site ang mga wa maapil sa 9.2 ektaryang luna.

Nasuta ning mantalaan nga kasamtangang nangita ug luna ang dakbayan karon ug luna sud sa hurisdisksyon sa dakbayan ug may gitan-aw pud kinig mga luna sa dakbayan sa Lapu-Lapu.