BUTIG, Lanao del Sur -- Unom ang patay ug tulo ang samaran sa nagpadayon nga counterterrorism operation sa militar batok sa lokal nga terorista’ng Maute Group, ning dakbayan.
Matud ni Colonel Roseller Murillo, commanding officer sa 103rd Army Brigade nga naka-base sa Kampo Ranao sa Marawi City, nga sa unom ka mga namatay, usa niini sakop sa Scout Rangers samtang ang lima mga sakop sa Maute Group. Ang tulo ka mga samaran pulos mga Scout Rangers.
Wala na gipagawas ang pangalan sa namatay’ng sundalo apan ang mga samaran nailang sila si Private First Class (PFC) Lloyd Saranglao, PFC Herbert Bulok-bulok ug PFC Amelito Lumingkit. Ang tulo gilayong gidala sa usa ka tambalanan nga wala na ginganlan.
“Ang fierce firefight ay nangyari sa west and southern part of the forested hill of Barangay Sandab, 7 o'clock in the morning (December 7),” miingon si Murillo.
Base, matud pa, sa report gikan sa “ground,” gibana-bana nga 100 ka mga armadong terorista ang na-engkuwentro sa puwersa sa gobyerno.
Dugang ni Murillo nga dili nila undangan ang ilang operasyon batok sa Maute Group hangtud sila ma-“neutralized.”
“The firefight is still going on while other military troops occupied the villages left by Maute local terrorists group after the first week of intense firefight,” miingon si Murillo.