63 retirees sa Davao-LGU midawat og cash incentives

GIPAHALIPAYAN sa lokal nga kagamhanan sa Davao City ang 63 ka mga retirees nga nangalagad sa dakbayan sa hataas nga katuigan.

Sa usa ka hamubo nga programa niadtong Lunes, Septembre 25, sa Grand Men Seng Hotel, mipaabot og kinasingkasing nga pagtimbaya ug pagpasalamat si Davao City Mayor Sara Duterte-Carpio ngadto sa mga nahisgutan.

Karong tuiga mokabat sa 63 ka mga moretiro nga empleyado sa gobyerno sa Davao City kinsa makadawat og incentives subay sa nalatid sa balaod sa Civil Service Commission (CSC).

Si Davao City Human Resource Management Office department head Erwin Alparaque nagbutyag nga madawat sa mga retirees ang ilang mga benepisyo kung nakaabot sila og kinse ka tuig sa serbisyo.

"Naa man gyud ni sa balaod nga ang mga retirees labi na sa government hatagan gyud sila'g recognition ug incentives," sulti ni Alparaque.

Dugang sa opisyal nga sa maong batch sa mga retirees karong tuiga dunay mga miabot sa 42, 40, ug 35 ka tuig nga pangalad sa buhatan sa gobyerno kinsa makadawat og cash incentives nga magdepende kung pila sila ka tuig sa serbisyo.

Ang benepisyo nga ilang nadawat ubos sa Program on Awards and Incentives for Service Excellence sa CSC. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph