MAAYONG pagkalitson sa 94-anyos nga babaye human natumba ang lampara alas 12:05 sa tungang gabii niadtong Lunes.
Hilabihan ang pagkahinanok sa biktimang si Marcosa Lucero, 94, hinungdan nga naugdaw ang ilang balay sa Santos Village, Bangkal, Barangay Talomo Proper, dakbayan sa Davao.
Subay sa spot report sa Talomo Police Station nga sa pagdako sa kalayo, wa na makagawas ang biktima sa iyang gipuy-an nga payag.
Sa imbestigasyon sa Talomo Fire Station gituohang natumba ang nagsiga nga lampara ug daling mikanit sa bungbong sa gabok nga kahoy nga gigamit sa payag.
Hinuon, wala na nakakanit ang kalayo sa ubang balay sa lugar.
Ang patay nga lawas sa biktima gidala sa Angel Funeral Parlor sa Toril ning dakbayan.