A Gym miharos amateur boxing sa Mandaue City

NANGHAWOD ang mga boksidor sa The “A” Gym sa Cebu Ameteur Boxing Revival 3 sa miaging adlaw sa Insular Square sa Tabok, Mandaue City.

Gipangulohan ni Patrick Gantuangco ang hapit perpektong kampanya sa A Gym pinaagi sa iyang split decision nga kadaugan batok kang Marco Pumar sa 55 kgs. Juniors/experience category.

Sa 52 kgs juniors/experience category, mitunol og unanimous nga kadaugan si Benny Canete alang sa A gym batok kanbg Mardy Cardeno sa Ten Thousand BC.

Mirehistro og yanong ka­daugan alang sa A Gym mao si Rowel Nucos, kinsa milupig kang William Dela Cruz sa CCSC pinaagi sa walkout sa 55 kgs school boys/developmental catregory.

Ang ubang mga ninghatag og kadaugan alang sa A gym mao si Emanuel Galo kinsa mirehistro og split decision nga kadaugan batok kang Wyn Cabradilla sa Ten Thousand BC.

Ang bugtong napilde nga boksidor sa A Gym mao si Ken Bellita, kinsa miyukbo batok kang Yerodge Gura sa Naga BC (split decision).

Ningdaog sab sila si Archie Aroslen sa Labogon BC batok kang Cedrick Benlot sa CCSC (UD), Charles Dosdos sa batok Jake Tabanao sa Wakee BC (UD), Alex del Rio sa PhilAust BC batok John Gabriel Tapales sa Wakee BC (TKO 2), Jethro A­­ba­­quita sa Naga BC batok Lenbert Cainap sa Big Yellow BC.

Mingdaog mao sila si Jimboy Cais sa Wakee BC batok Walter Sabaybay sa Naga BC (TKO 2), Keffrey Jimenez sa CCSC batok John Paul Gabunilas sa Ten Thousand BC (UD), ug Eduardo Jimenez sa CCSC batok Jimpol Dignos sa PhilAust BC (UD). (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph