SAGUBANGON ni environmental advocate Atty. Ingemar Macarine ang iyang ika-24 nga paglangoy sa lawod sa kadagatan karong adlawa nga naa'y gilay-on nga 13 ka mga kilometro.
Si Macarine, kinsa bag-uhay lang gipasidunggan sa Sportswriters Association of Cebu (SAC), mosuway paglangoy nga wala’y hunong gikan sa Triana Port Limasawa Island paingon sa Padre Burgos Port sa mainland Southern Leyte.
Ang paglangoy sa gitawag og Pinoy Aquaman tipik sa mga kalihukan sa 496th Limawasa Island First Mass Anniversary. Ang tuyo ug tumong niini mao ang pag-promote sa limpiyong kadagatan. Kini maoy labing unang paglangoy ni Macarine ning tuiga.