ORMOC CITY - Giinspeksyon sa kadagkoan sa Department of Public Works and Highways (DPWH) sa kwartro distrito sa Leyte ang kontrobersiyal nga Albuera-Burauen road. Gipasigarbo ni District Engineer Lino Gonzales ang dako na nilang nahimo sa pagsemento sa karsada.
Usa kini sa mga diversion roads nga gipatuman sa DPWH 4th LED subay sa Build Build Build advocacy ni Presidente Rodrigo Duterte.
Mapadali na ang biyahe gikan sa Albuera paingon sa Burauen ug Ormoc City paingon sa Tacloban City kun hingpit na kini mahuman.
Kun mahuman na ang diversion road, ang 110 kilometros nga biyahe gikan sa Albuera padung Burauen, mamahimo na kining 26 kilometros. (JKDP)