SUGDAN na sab ni Francis Casey Alcantara ang usa na sab niyang kampanya sa ITF F6 Futures Combiphar Tennis Indonesia Open 2016 men's singles karong Miyerkules, Disyembre 14, didto sa Sultan Hotel Tennis Court, Jakarta, Indoensia.
Sulayan sa 24-anyos nga Alcantara nga maawat gihapon niya ang nagkalayo niyang katakos niadtong gipangbugha niya ang duha ka high-ranking nga kaatbang sa unang duha ka sunod-sunod nga rounds sa F5 Indonesia Futures niaging semana.
Nakakuha og dakong motibasyon ang Kagay-anong Alcantara human giatsa niya ang Chinese number three nga si Zhe Li atol sa Australian Open Asia-Pacific Wildcard Playoffs niaging Disyembre 1 didto sa Zhuhai, China.
Maagbat ni Alcantara si Cing-Yang Meng sa Chinese-Yaipei sa una nga round karong Miyerkules.
Niadtong Martes nag-uban lang gihapon silang Alcantara ug sa Indonesian nga si David Agung Susanto sa doubles diin naatbang nila ang mga Indiano nga sila Iswandaru Kusumo Putro ug Haekal Ramadhan sa unang round sa men’s doubles.