NAGMALAMPUSON sila Francis Casey Alcantara ug David Agung Susanto pagbukas sa ilang kampanya sa unang round sa ITF F6 Futures Combiphar Tennis Indonesia Open 2016 men's doubles niadtong Martes, Disyembre 13, didto sa Sultan Hotel Tennis Court, Jakarta, Indoensia.
Nakaeskapo ang Kagay-anong si Alcantara ug iyang doubles partner nga si Susanto batok sa mga Indiano nga sila Iswandaru Kusumo Putro ug Haekal Ramadhan agi sa desisyon sa unang round.
Gisalubong sila Alcantara ug Susanto og pilde sa unang set sa iskor 3-6.
Apan, bangis nibawi ang Kagay-anon ug Indonesian agi sa 6-1 nga iksor sa ika-duha aron mapugos sa desisyon nga set.
Wala na gipaabot nila Alcantara ug Susanto nga moabot pa sa hingpit nga dula ug gisirado nila ang desisyon sa iskor 10-4 aron moabante diretso sa quarterfinal round.
Sila Alcantara ug Susanto naa sa seed number two sa doubles.
Sa pikas bahin, moaway pa si Alcantara sa men’s singles batok kang Cing-Yang Meng sa Chinese-Taipei sa una nga round diin gidula niadtong Martes, Disyembre 13.