Antonio kampyon sa Iligan chess fest

GIHAWOD ni Grandmaster Joey Antonio ang 2017 Mayor Celso Regencia Dyandi Festival Iligan Open Chess Tournament niadtong Domingo, Septembre 24, sa Lai-Lai Garden, Pala-o, Iligan City.

Nasilyo ni Antonio, kinsa usa sa mga pambato sa nasod sa daghan nga panahon sa World Olympiad, ang kampyonato agi sa gentleman’s draw kang National Master Rommel Ganzon sa ika-siyam ug kataposang round.

Nihuman si Antonio og walo ka puntos nga adunay pito ka daug ug duha ka tabla diin ang usa kontra kang Nazario Ubanan sa Cagayan de Oro.

Hingpit nagsunod sa ikaduha nga pwesto ang Cebu-based NM nga si Ganzon nga adunay 7.5 puntos, samtang naa sa ikatulo nga pwesto si Jayson Salubre nga adunay susama nga iskor.

Maayong pagsugod ni Nazario Ubanan sa torneyo ug siya lang ang pambato sa Cagayan de Oro nga adunay tsansa molanding sa top three.

Gikinahanglan lang gyud ni Ubanan og tabla sa kataposang round batok kang Salubre aron solong maangkon ang ikaduha nga pwesto ug ang Php 10,000 nga sapi, apan wala tugta sa higayon.

Sa usa ka panic time nga sitwasyon, nahutdan si Ubanan og oras hinungdan nga nilanding lang niya ang ikaunom nga pwesto.

u201cSayang kaayo ang akong momentum, tabla lang ang gikinahanglan. Pero lang gihapon ko kay natablahan nako si Joey,” ingon ni Ubanan human sa dula.

Niuli si Antonio og P20,000, samtang sila Ganzon ug Salubre niangkon sa P10,000 ug P5,000 nga sapi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph